Sun’iy intellekt va raqamli texnologiyalar fakulteti

2020-yilda Andijon davlat universitetining “Fizika-matematika” fakulteti negizida “Axborot texnologiyalari va kompyuter injiniringi” fakulteti ochilgan. Bu fakultet 2024-2025-yilida “IT injiniringi” fakulteti sifatida qayta nomlanib faoliyatini davom ettirgan. 2025-2026-yillarda “Fizika-matematika va IT” fakulteti tarkibida faoliyatini davom ettirgan. 2026-yil 2-sentabrdan universitet tarkibiy tuzilmasiga o‘zgartirish kiritilishi munosabati bilan mustaqil fakultet sifatida “Sun’iy intellekt va raqamli texnologiyalar” fakulteti tashkil etilgan.

Bugungi kunda fakultetda “Dasturiy injiniring” va “Kompyuter injiniringi” mutaxassislik kafedralari faoliyat ko‘rsatmoqda. Hozirda fakultetda 60610300-Kompyuter injiniringi (“Kompyuter injiniringi”, “AT-servisi”, “Multimedia texnologiyalari”), 60610500-“Sun’iy intellekt”, 60610100-“Axborot tizimlari va texnologiyalari, 60610200-“Axborot xavfsizligi”, 60611300-“Axborot-kommunikatsiya texnologiyalar sohasida kasb ta’limi”, 60610100-“Kompyuter ilmlari va dasturlash texnologiyalari”, 60610400-“Dasturiy injiniring” yo‘nalishlari mavjud.

Fakultetda jami 50 nafardan ortiq professor-o‘qituvchilar, jumladan 3 ta professor, 20 ta dotsent, 15 ta katta o‘qituvchi, 13 ta assistent o‘qituvchilar ilmiy-pedagogik faoliyatini olib bormoqdalar. Ular tomonidan raqamli texnologiyalar va kompyuter tizimlari, sun’iy intellekt (SI) va kompyuter ilmlari (KI)ning nazariy asoslarini o‘rganish, ishlab chiqish va SI/KI ilovalarini rivojlantirish bo‘yicha ilmiy-tadqiqot ishlari muvaffaqiyatli olib borilmoqda.

Kafedra professor-o‘qituvchilari tomonidan olib borilayotgan ilmiy-tadqiqot ishlari hozirgi davrning eng dolzarb muammolarini hal qilishga qaratilgan bo‘lib, axborot kommunikatsiya texnologiyalari (AKT)ni ishlab chiqarishda hamda ta’lim jarayonida keng qo‘llash bo‘yicha yo‘nalishlarni o‘z ichiga oladi.

Fakultetda iqtidorli talabalarning ilmiy-ijodiy izlanishlarini qo‘llab-quvvatlash asosiy vazifalardan biridir. Talaba yoshlar - Prezident va nomdor stipendiyalar, fan olimpiadalari, tanlovlar hamda davlat ilmiy loyihalariga faol jalb etiladi. Qolaversa, ularning konferensiyalarda qatnashishi hamda o‘z ilmiy va ijodiy ishlarini nashrdan chiqarishi uchun barcha zarur sharoitlar yaratilgan.

Fakultetda ta’limning kunduzgi, kechki, masofaviy shakllarida 7 ta ta’lim yo‘nalishlari, 2 ta magistratura mutaxasissliklari va 2 ta oliy ta’limdan keyingi ta’lim ixtisosliklari bo‘yicha malakali kadrlar tayyorlanadi.