Universitet tarixi
Zahiriddin Muhammad Bobur nomidagi Andijon davlat universiteti — Farg'ona vodiysidagi eng qadimiy oliy ta'lim dargohlaridan biri. 1931-yilda kichik pedagogika instituti sifatida ish boshlagan ta'lim maskani bugungi kunda vodiy ilm-fani, ta'limi va madaniyatining yirik markaziga aylandi.
Zahiriddin Muhammad Bobur nomidagi Andijon davlat universiteti — Farg'ona vodiysidagi eng qadimiy oliy ta'lim dargohlaridan biri. 1931-yilda kichik pedagogika instituti sifatida ish boshlagan ta'lim maskani bugungi kunda vodiy ilm-fani, ta'limi va madaniyatining yirik markaziga aylandi. To'qson yildan ortiq tarix davomida universitet o'n minglab malakali mutaxassislar, olimlar va murabbiylarni tarbiyalab, mintaqa taraqqiyotiga ulkan hissa qo'shib kelmoqda.
Tarixiy sanalar
- 1931
Farg'ona pedagogika instituti tarkibida Andijon kechki pedagogika instituti sifatida tashkil etildi
- 1939
kunduzgi bo'lim ochilib, muassasa o'qituvchilar institutiga aylantirildi
- 1953
Andijon davlat pedagogika instituti sifatida qayta tashkil etildi
- 1956
institutning yangi o'quv binosi qurilib, foydalanishga topshirildi
- 1966
institut negizida alohida Andijon tillar pedagogika instituti tashkil etildi
- 1981
Universitet ko'chasidagi hozirgi bosh o'quv binosi qurib bitkazildi
- 1991
2-iyulda institutga buyuk shoir va davlat arbobi Zahiriddin Muhammad Bobur nomi berildi
- 1992
28-fevralda O'zbekiston Respublikasi Prezidentining farmoni bilan institut Andijon davlat universitetiga aylantirildi
- 2010
Andijon tillar pedagogika instituti universitet tarkibiga qo'shildi
- 2015
Erasmus+ dasturi doirasida RENES, ModeHEd, IQAT va STEM xalqaro loyihalari amalga oshirila boshlandi
- 2018
universitetda Qatag'on qurbonlari xotirasi muzeyi tashkil etildi
- 2024
universitet rahbariyati yangilanib, raqamli transformatsiya va xalqaro reytinglarga kirish bosqichi boshlandi
Universitet bugun
Hozirgi kunda universitetda 6 ta fakultet va 27 ta kafedra faoliyat yuritadi. 500 dan ortiq professor-o'qituvchi bakalavriat va magistratura bosqichlarida o'n minglab talabaga ta'lim bermoqda.
Universitetning moddiy-texnik bazasi ham yildan-yilga mustahkamlanmoqda: 5 ta o'quv binosidagi 160 dan ortiq auditoriya, zamonaviy axborot-resurs markazi, kompyuter sinflari, talabalar turar joylari, oshxonalar va sport maydonlari talabalar ixtiyorida. O'quv-laboratoriya xonalarining umumiy maydoni 45 ming kvadrat metrdan ziyod.
Xalqaro hamkorlik
Universitet dunyoning 50 dan ortiq oliy ta'lim muassasasi bilan hamkorlik aloqalarini o'rnatgan bo'lib, ulardan qariyb 30 tasi bilan faol hamkorlik shartnomalari imzolangan. Erasmus+ loyihalari doirasida professor-o'qituvchilar va yosh olimlar Italiya, Polsha, Germaniya kabi davlatlarning yetakchi universitetlarida stajirovka o'tab kelmoqda. 2015–2018-yillarda 29 ta doktorlik dissertatsiyasi himoya qilinib, ilmiy salohiyat sezilarli darajada oshdi.